Завяршыўся візіт прадстаўніка Ватыкана ў Гродна

Беларусь - Гродзенская дыяцэзія

09.12.2010 17:21

Сёння, 9 снежня, 2010 г. завяршыўся візіт кардынала Зянона Грахалеўскага, старшыні Кангрэгацыі Каталіцкай Адукацыі. У дні з 6 па 8 снежня ватыканскі іерарх сустрэўся з духавенствам, рэктарамі гродзенскай і пінскай духоўных семінарый, моладдзю Гродзенскай дыяцэзіі, гутарыў з прадстаўнікамі каталіцкіх і свецкіх СМІ. 8 снежня, ва ўрачыстасць Беззаганнага Зачацця Найсвяцейшай Панны Марыі кардынал Грахалеўскі ўзначаліў святую Імшу ў катэдральнай базыліцы ў Гродне, падчас якой удзяліў дыяканскія пасвячэнні тром семінарыстам. Канцэлебравалі літургію біскуп Гродзенскі Аляксандр Кашкевіч, Мітрапаліт Мінска-Магілёўскі арцыбіскуп Тадэвуш Кандрусевіч, дапаможны біскуп Мінска-Магілёўскай архідыяцэзіі Антоні Дзям’янка і шматлікія святары. Мітрапаліт Кандрусевіч папрасіў кардынала Зянона Грахалеўскага перадаць  словы прывітання Святому Айцу, а таксама запрашэнне наведаць нашу краіну. Як паведамляе сайт Гродзенскай дыяцэзіі, кардынал адказаў, што Касцёл у Беларусі сваёй верай заслужыў прыезд Пантыфіка. Падрабязнасці візіту старшыні Кангрэгацыі Каталіцкай Адукацыі ў Гродна чытайце на інтэрнэт-партале Гродзенскай дыяцэзіі.