14 сакавіка 2010 г., у IV Нядзелю Вялікага посту, музычны гурт «Небасхіл» запрашае прыняць удзел у музычным разважанні. Малітоўнай атмасферы будзе спрыяць характар выканання музычных песень і падрыхтаваныя да іх каментарыі.
Расклад набажэнстваў падчас велікапосных рэкалекцый у некаторых парафіях Мінска і Мінскага раёна
Вялікі пост — гэта час роздуму кожнага чалавека над сваім жыццём і пакліканнем, як прыватным, так і пакліканнем быць хрысціянінам. Вялікі пост і рэлігійныя практыкі, звязаныя з ім, з’яўляюцца вялікім шансам, які Бог дае свайму стварэнню, — шансам пакаяння і навяртання. Прапануем вашай увазе праграму велікапосных рэкалекцый у некаторых парафіях Мінска і Мінскага раёна.
Дзень духоўнага аднаўлення для медыцынскіх работнікаў адбудзецца ў Мінску
Ксяндзы з Кангрэгацыі святога Францішка Сальскага (салезіяне), якія працуюць у Мінску, і каталіцкія ўрачы беларускай сталіцы запрашаюць прыняць удзел у дні духоўнага аднаўлення для медыцынскага персаналу, што адбудзецца ў суботу 13 сакавіка 2010 г. у капліцы святога Яна Хрысціцеля (Серабранкаўскі дэканат) па адрасе: вул. Пляханава, 28.
11–17 снежня 2009 г. каталіцкія біскупы Беларусі прабываюць з візітам аd limina ў Апостальскай Сталіцы. Кульмінацыйнымі момантамі візіту з’яўляюцца дзве сустрэчы са Святым Айцом: кожнаму біскупу Папа ўдзяляе прыватную аўдыенцыю, а на заканчэнне сустракаецца з усімі іерархамі. 
22 жніўня 2009 г. браслаўшчына перажывала велічную і значную падзею — каранацыю папскімі каронамі цудатворнага абраза Маці Божай Валадаркі Азёраў.
З 24 па 26 ліпеня 2009 г. у мястэчку Івянец Мінска-Магілёўскай архідыяцэзіі адбылася малітоўная моладзевая сустрэча, ужо другая па ліку, прызваная стаць добрай штогадовай традыцыяй у жыцці Каталіцкага Касцёла на Беларусі. Праграма мерапрыемстваў, запланаваных сёлета ў рамках сустрэчы, мела свае адметнасці, звязаныя з падзеямі, якія перажываюць у гэтым годзе католікі Беларусі. 
1–2 ліпеня ў Нацыянальным санктуарыі ў Будславе адбыліся ўрачыстасці ў гонар Маці Божай Будслаўскай — апякункі Беларусі.
16 кастрычніка 2008 г. Каталіцкі Касцёл ва ўсім свеце адзначаў 30-ю гадавіну абрання Папы Яна Паўла ІІ. У парафіях усіх дыяцэзій Беларусі ў гэты дзень маліліся аб хутчэйшай беатыфікацыі Вялікага Папы.
Спаведнік сястры Фаустыны быў узнесены да хвалы нябеснага алтара 28 верасня 2008 г. Урачыстая цырымонія адбылася а 10-й гадзіне на цвінтары касцёла Божай Міласэрнасці ў Беластоку (Польшча). З нагоды гэтай урачыстасці Вашай увазе прапануем серыю рэпартажаў, прысвечаных асобе кс. Міхала Сапоцькі і яго дзейнасці, а таксама беатыфікацыйнаму працэсу заснавальніка Апостальскага руху Божай Міласэрнасці. Для разважання будуць прапанаваны цытаты з духоўнага "Дзённіка" сястры Фаустыны.
13 верасня 2008 г. у гродзенскім Пабрыгіцкім касцёле адбылося святкаванне 100-годдзя дзейнасці Кангрэгацыі Сясцёр Найсвяцейшай Сям’і з Назарэта ў Гродне. Ад служэння сясцёр назарэтанак у Гродне распачалася гісторыя кангрэгацыі на Беларусі. Пра гэта на нашым сайце ўпершыню апублікавны запісы адной з сясцёр, якія выпадкова былі знойдзены ў падвальных памяшканнях кляштара.
З 18 па 20 ліпеня 2008 г. у Івянцы адбыляся Міждыяцэзіяльная сустрэча моладзі з нагоды 23-га Сусветнага дня моладзі, кульмінацыя якога адбылася ў Сіднэі (Аўстралія) з 15 па 20 ліпеня. 
1–2 ліпеня 2008 г. у Нацыянальным санктуарыі ў Будславе адбываюцца ўрачыстасці ў гонар Маці Божай Будслаўскай. У гэтым годзе прыпадае 10-годдзе каранацыі абраза Маці Божай Будслаўскай.
З 18 па 22 чэрвеня 2008 адбываўся афіцыйны візіт у Рэспубліку Беларусь Дзяржаўнага сакратара Яго Cвятасці Папы Бэнэдыкта XVI, кардынала Тарчызіо Бэртонэ (Tarcisio Bertone). 
