Інстытут тэалогіі БДУ запрашае на вучобу хрысціянскую моладзь
Дзяржаўная ўстанова «Інстытут тэалогіі імя святых Мяфодзія і Кірыла» БДУ запрашае на вучобу хрысціянскую моладзь. Дзень адчыненых дзвярэй адбудзецца 29 сакавіка 2010 г. у 14.00 у будынку ўстановы па адрасе: (аўдыторыя 307).
28 сакавіка 2010 г., у Пальмовую нядзелю, у парафіі Святога Апостала Андрэя ў Лынтупах (Віцебская дыяцэзія, Пастаўскі дэканат) адбудзецца містэрыя Мукі Пана. Паказ распачнецца а 16-й гадзіне каля касцёла.
14 сакавіка 2010 г., у IV Нядзелю Вялікага посту, музычны гурт «Небасхіл» запрашае прыняць удзел у музычным разважанні. Малітоўнай атмасферы будзе спрыяць характар выканання музычных песень і падрыхтаваныя да іх каментарыі.
Дзяржаўная ўстанова «Інстытут тэалогіі імя святых Мяфодзія і Кірыла» БДУ запрашае на вучобу хрысціянскую моладзь. Дзень адчыненых дзвярэй адбудзецца 29 сакавіка 2010 г. у 14.00 у будынку ўстановы па адрасе: (аўдыторыя 307).
28 сакавіка 2010 г., у Пальмовую нядзелю, у парафіі Святога Апостала Андрэя ў Лынтупах (Віцебская дыяцэзія, Пастаўскі дэканат) адбудзецца містэрыя Мукі Пана. Паказ распачнецца а 16-й гадзіне каля касцёла.
14–17 сакавіка 2010 г. па запрашэнні пробашча парафіі ў Камарове каля Варшавы (Польшча) велікапосныя рэкалекцыі для мясцовых вернікаў правядзе Мітрапаліт Мінска-Магілёўскі арцыбіскуп Тадэвуш Кандрусевіч. У дадзенай парафіі праходзіць літургічную практыку алюмн Варшаўскай духоўнай семінарыі кл. Міхал Бубень, які паходзіць з Мінска-Магілёўскай архідыяцэзіі.
Вялікі пост — гэта час роздуму кожнага чалавека над сваім жыццём і пакліканнем, як прыватным, так і пакліканнем быць хрысціянінам. Вялікі пост і рэлігійныя практыкі, звязаныя з ім, з’яўляюцца вялікім шансам, які Бог дае свайму стварэнню, — шансам пакаяння і навяртання. Прапануем вашай увазе праграму велікапосных рэкалекцый у некаторых парафіях Мінска і Мінскага раёна. 
10 сакавіка 2010 г. у лідскай парафіі Беззаганнага Зачацця Найсвяцейшай
Панны Марыі (Слабада), што ў Гродзенскай дыяцэзіі, адбылася адметная
ўрачыстасць. У гэты дзень жыхары Ліды разам з ксяндзамі Лідскага
дэканату маліліся за 9 святароў, якія зведалі мучаніцкую смерць ад рук
нацыстаў у часы Другой сусветнай вайны.
XVI Міжнародныя Кірыла-Мяфодзіеўскія чытанні, прысвечаныя дню славянскай пісьменасці і культуры, адбудуцца ў Мінску 26–28 мая 2010 г. у Інстытуце тэалогіі БДУ пры падтрымцы Міжнароднага грамадскага аб’яднання «Хрысціянскі адукацыйны цэнтр імя святых Мяфодзія і Кірыла». Тэма чытанняў — «Рэлігійная культура ў кантэксце свецкай адукацыі».
10 сакавіка 2010 г. кіраўніцтва «Нацыянальнага Карытас» у Беларусі здзейсніла візіты ў дыяцэзіяльныя аддзяленні «Карытас» Гродзенскай і Пінскай дыяцэзій. Падчас сустрэч кіраўнікі аддзяленняў, кс. Віталь Дабраловіч і кс. Валянцін Новак, разам з дырэктарам «Нацыянальнага Карытас» кс. Віктарам Гайдукевічам SDB абмеркавалі актуальныя пытанні ў сферы дабрачыннай дзейнасці ў Беларусі.
З 6 па 8 сакавіка 2010 г. у в. Пятроўшчына (Віцебская дыяцэзія, Глыбоцкі дэканат) праходзіла трохдзённая сустрэча для ўсіх зацікаўленых і неабыякавых да пытання абароны зачатага жыцця і захавання хрысціянскіх каштоўнасцяў, арганізаваная Душпастырствам сем’яў Віцебскай дыяцэзіі. 
11 сакавіка 2010 г. у мінскім касцёле Узвышэння Святога Крыжа на Кальварыі адбудзецца святая Імша і малітва падзякі з нагоды 20-годдзя аднаўлення дзейнасці Грэка-каталіцкай Царквы ў Беларусі. 20 год таму, 11 сакавіка 1990 г., мітрафорны протаіерэй Аляксандр Надсан, Апостальскі Візітатар для беларусаў замежжа і рэктар Беларускай каталіцкай місіі ў Лондане (Вялікабрытанія), цэлебраваў у адзіным у той час у Мінску касцёле на Кальварыі літургію па візантыйскім абрадзе на беларускай мове.
14 сакавіка 2010 г., у IV Нядзелю Вялікага посту, музычны гурт «Небасхіл» запрашае прыняць удзел у музычным разважанні. Малітоўнай атмасферы будзе спрыяць характар выканання музычных песень і падрыхтаваныя да іх каментарыі.
8 сакавіка 2010 г. завяршыліся трохдзённыя велікапосныя рэкалекцыі ў мінскай парафіі Святога Яна Хрысціцеля (Серабранкаўскі дэканат). Дні духоўнага аднаўлення для мясцовых вернікаў правёў кс. Аляксандр Мятліцкі SDB.
У ІІІ Нядзелю Вялікага посту, 7 сакавіка 2010 г., падчас святой літургіі ў мінскай архікатэдры Мітрапаліт Мінска-Магілёўскі арцыбіскуп Тадэвуш Кандрусевіч нагадаў прысутным пра заклік Езуса да навяртання, які «асабліва моцна гучыць у Вялікім посце, калі ў сакрамэнце пакаяння мы пакліканы зведаць ласку бязмежнай Божай міласэрнасці».
У пачатку сакавіка 2010 г. у грэка-каталіцкай парафіі Маці Божай Нястомнай Дапамогі ў Мінску адбыўся душпастырскі семінар, прысвечаны сацыяльнаму служэнню ў парафіях. Сваім вопытам у працы з самотнымі і састарэлымі людзьмі, а таксама асобамі з асаблівасцямі ў развіцці дзяліліся валанцёры з Мінска і Віцебска. Ініцыятарам правядзення семінара стаў а. Пахом (Кавалёў). 
У Міжнародны дзень жанчын, нягледзячы на тое, што гэта свецкае свята, у касцёлах Беларусі ў гэты дзень ў малітвах асабліва ўзгадваецца прыгожая палова чалавецтва. У Вышэйшай духоўнай семінарыі ў Гродне 8 сакавіка 2010 г. навучэнцы і святары маліліся за жанчын, што працуюць у семінарыі (выкладчыцы, павары, бібліятэкары). Святую Імшу ў іх інтэнцыі ўзначаліў рэктар установы кс. Юзаф Станеўскі. Удзельнікі літургіі таксама даручылі Божай апецы сваіх маці, сясцёр і бабуль. 
З 5 па 7 сакавіка 2010 г. у касцёле св. Сымона і св. Алены ў Мінску ўжо ў другі раз адбылася канферэнцыя каталіцкіх рухаў і супольнасцяў. У мерапрыемстве прынялі ўдзел каля 30 чалавек з розных рухаў Каталіцкага Касцёла: Легіёна Марыі, «Via Dolorosa», «Маці ў малітве», Таварыства добрай смерці, Св. Мікалая (Грэка-каталіцкая Царква), Жывога Ружанца, «Святло-Жыццё» (Хатні Касцёл і «Каштоўная Пярліна») з розных гарадоў Беларусі і замежжа.
