Парафіяда «Тэатр – Святыня – Спорт» адбудзецца ў Івянцы
18–21 жніўня 2010 г. у Івянцы адбудзецца Парафіяда Мінска-Магілёўскай архідыяцэзіі пад назвай «Тэатр – Святыня – Спорт». Да ўдзелу запрашаецца моладзь 14–17 гадоў.
8 жніўня 2010 г. у парафіі Беззаганнага Сэрца Марыі ў Оршы (Віцебскі дэканат) адбудзецца сустрэча байкераў з усяго свету. Акрамя гэтага, сваю праграму прадставіць гістарычны клуб «Мансельвант», удзельнікі мерапрыемства сустрэнуцца як з раннім класіцызмам, так і з сучасным рокам, выступяць са сваімі спевамі дзеці і моладзь.
Запрашаем у пілігрымку па маршруце Кракаў — Велеград — Прага — Вена — Браціслава
Каардынатар пілігрымак у Віцебскай дыяцэзіі пробашч парафіі Святога Язафата Кунцэвіча ў Расонах кс. Вячаслаў Барок шчыра запрашае ўсіх жадаючых у чарговае падарожжа. Пілігрымка па маршруце Кракаў — Велеград — Прага — Вена — Браціслава адбудзецца з 9 па 16 жніўня 2010г.
29 чэрвеня 2010 г. адбылося пасяджэнне Рады Міжканфесійнай місіі «Хрысціянскае сацыяльнае служэнне», на якім прысутнічалі кіраўнікі хрысціянскіх Цэркваў Беларусі на чале са старшынёй Рады Місіі Мітрапалітам Мінскім і Слуцкім Патрыярхам усяе Беларусі Філарэтам. У пасяджэнні таксама прымаў удзел Мітрапаліт Мінска-Магілёўскі арцыбіскуп Тадэвуш Кандрусевіч. 
28–29 красавіка 2010 г. у Мінску сабраліся прадстаўнікі хрысціянскіх Цэркваў з усёй Беларусі, каб прыняць удзел у семінары-трэнінгу «Сістэма маніторынгу і справаздачнасці па працы царкоўных арганізацый у галіне ВІЧ» у межах рэалізуемага Праграмай развіцця ААН гранта Глабальнага фонду для барацьбы са СНІДам. Праводзіць мерапрыемства Міжканфесійная місія «Хрысціянскае сацыяльнае служэнне».
10 лістапада 2009 г. кардынал Вальтэр Каспер, старшыня Папскай рады спрыяння хрысціянскаму адзінству, сустрэўся з членамі Канферэнцыі Каталіцкіх Біскупаў Беларусі. Ватыканскі іерарх выказаў радасць з нагоды свайго візіту ў Беларусь, куды ён прыбыў па запрашэнні Мітрапаліта Мінскага і Слуцкага Філарэта, каб прыняць удзел у канферэнцыі, прысвечанай хрысціянска-юдэйскаму дыялогу.
У Мінску працягваецца міжнародная навуковая канферэнцыя «Хрысціянска-юдэйскі дыялог: рэлігійныя каштоўнасці як аснова самапавагі ў грамадстве ва ўмовах глабальнага эканамічнага крызісу». 10 лістапада 2009 г., у другі дзень канферэнцыі, з даклалам выступіў Мітрапаліт Мінска-Магілёўскі арцыбіскуп Тадэвуш Кандрусевіч.
9 лістапада 2009 г. у Мінскім міжнародным адукацыйным цэнтры імя Й. Рау распачалася праца канферэнцыі «Хрысціянска-юдэйскі дыялог: рэлігійныя каштоўнасці як аснова самапавагі ў грамадстве ва ўмовах глабальнага эканамічнага крызісу». У міжнароднай канферэнцыі прымае ўдзел прадстаўнік Святога Айца Бэнэдыкта XVI кардынал Вальтэр Каспер, старшыня Папскай рады спрыяння хрысціянскаму адзінству, а таксама кардынал Тэадор МакКарык, арцыбіскуп Вашынгтонскі на пенсіі.
