Каментарый да літургіі

“Божае Нараджэнне — міг трыyмфальнай святасці!”

Гэта час, калі сэрца кожнага з нас перапаўняе радасць, любоў і супакой. Бо Збаўца нарадзіўся! Бог сярод нас! Гэта падзея, якая надае сэнс нашаму часам вельмі заклапочанаму і няпростаму жыццю. Дае надзею і напаўняе шчасцем.

У гэты асаблівы час адкрыем нашыя сэрцы насцеж, каб Божае Дзіця напоўніла яго сваімі ласкамі і дарамі, з якімі прыходзіць на гэты свет.

Няхай наш удзел у Эўхарыстыі будзе сапраўднай удзячнасцю за бязмежную любоў Бога Айца, за Любоў, якая нарадзілася ва ўбогай стайні.

Каментарый да літургіі слова

“Слова сталася целам і пасялілася між нас, і бачылі мы славу Ягоную”.

Божае слова, якое мы пачуем падчас сённяшняй Эўхарыстыі, прасякае пачуцце радасці і шчасця. Так, прарок Ісая кажа пра пасланца, “які абвяшчае мір і нясе радасць”. Прарок запэўнівае, што Бог ніколі не пакіне свой народ, але заўсёды будзе побач. Таксама дае надзею: “усе межы зямлі ўбачаць збаўленне”.

У сваю чаргу, з Паслання да Габрэяў мы даведаемся, што Бог прамаўляе да нас праз свайго Сына. А гэта значыць, што, прымаючы Хрыста і Яго вучэнне, мы прымаем Божае Слова ў сваё жыццё.

Малітва вернікаў

З сэрцам, поўным удзячнасці за Божую любоў, якая праявілася ў нараджэнні Хрыста сярод нас, скіруем да Нябеснага Айца нашыя просьбы:

• За Паўсюдны Касцёл, каб, не зважаючы на перашкоды, нёс людзям Еввангелле і сведчыў пра бязмежную любоў Бога да кожнага.
• За кіруючых дзяржавамі, каб заўсёды шанавалі годнасць усіх людзей і клапаціліся аб найбольш патрабуючых.
• За хрысціян, якія церпяць пераслед альбо знаходзяцца ў цяжкай сітуацыі, каб спазналі супакой, з якім Хрыстус прыходзіць на зямлю.
• За сем'і, каб сваю еднасць будавалі на шчырай любові і прабачэнні.
• За памерлых, каб змаглі сузіраць Божае Аблічча ў Нябесным Валадарстве.
• За нас, прысутных на святочнай Эўхарыстыі, каб нашыя сэрцы заўсёды былі адкрытыя для Хрыста.

Божа, пачуй нашыя просьбы, якія з верай і пашанай кіруем да Цябе. Амэн.

С. Марына Брылёнак