Фота Аўдыё Відэа  
be  ru  pl  en  de info@catholic.by
Біскупы Іспаніі рашуча асудзілі ўчынак травесці-мастака, які спекуляваў на вобразах Марыі і Езуса
02.03.2017 09:34

Травесці-парад на востраве Гран-Канарыя выклікаў занепакоенасць і трывогу сярод біскупаў Іспаніі. Старшыня іспанскага епіскапату кардынал Рыкарда Блазкез выступіў з патрабаваннем паважаць каталіцкую веру.

У ноч з панядзелка на аўторак падчас карнавальнага шоў на востраве быў зладжаны правакацыйны выступ мастака Боры Касіласа. Мужчына, загрыміраваны пад вобраз Панны Марыі, таньчыў пад песню Мадонны.

Падчас іншай сцэны напаўаголены Касілас у вобразе Хрыста быў сімвалічна «прыбіты» да крыжа — за гэты ўчынак ўдзельнікі парада абралі яго «каралём парада» (такі тытул прысуджаюць штогод з 1981 года).



Кардынал Блазкез апісаў рэлігійныя алюзіі як «непрымальныя». Біскуп Канарскіх астравоў Францыск Андрэу назваў гэты дзень «сумным днём прабывання ў пасадзе біскупа».

«Мае вочы напоўніліся слязьмі, — сказаў іерарх. — Павінны быць межы, каб не дапускаць такое «блюзнерскае легкадумства», якое крыўдзіць рэлігійныя пачуцці многіх католікаў».
Тым часам сам травесці-мастак у адным з інтэрв’ю прызнаўся, што не лічыць свой выступ абражальным.

Паводле kathpress.at (IL)

 

Пры выкарыстанні матэрыялаў сайта спасылка на Catholic.By абавязкова.

Замежжа

27.03 08:54Старшыня Еўрапарламента: без каштоўнасцей Еўропы не існуе
24.03 15:15«Спробы ўраду знішчыць хрысціянства толькі ўзмацняюць яго»: гісторыя Ёнмі Парк — бежанкі з Паўночнай Карэі
23.03 09:23Яны праслаўляць Бога ў Афрыцы песняй па-руску (+відэа)
23.03 08:48Хрысціянскі спявак дзякуе Богу за духоўнае аздараўленне пасля сексуальнага гвалту ў дзяцінстве
22.03 08:47У святыні Гробу Пана завершана першая за 200 гадоў рэстаўрацыя Кувукліі
21.03 14:19Біскуп Клеменс Пікель стаў новым старшынёй Канферэнцыі Каталіцкіх Біскупаў у Расіі
17.03 12:17Гэтаму іспанцу ўжо 91 год, але яго праца здзівіць любога
17.03 11:16Кустодыя Святой Зямлі выдзеліла тэрыторыю для моладзевага цэнтра ў Іерыхоне
16.03 16:46Праваслаўная Царква: уключэнне імёнаў заходніх святых у месяцаслоў Маскоўскага патрыярхату нагадае пра часы непадзеленай Царквы
14.03 15:07Пасля навяртання яны спяваюць для Бога: гісторыя рок-гурта «The Sun»