Вялікая пятніца ў Балгарыі стане выхадным днём

11.02.2010 13:22

Балгарскі ўрад прыняў папраўкі ў Працоўны кодэкс, згодна з якім Вялікая пятніца аб’яўляецца выхадным днём. «Вялікая пятніца — гэта дзень духоўнага ачышчэння напярэдадні самага светлага хрысціянскага свята Вялікадня», — сцвярджаюць балгарскія парламенцёры. Такім чынам, Вялікдзень, які сёлета адзначаецца 4 красавіка, балгары будуць святкаваць з 2 па 5 красавіка ўключна. У канцы мінулага года Балгарскі парламент аб’явіў выхадным дзень успаміну святога Георгія Пераможцы.