Як паведамляе беларуская служба Ватыканскага радыё, медыя-цэнтр па традыцыі размясціўся ў холе перад залай Паўла VI, у якой звычайна праходзяць сустрэчы Святога Айца з вернікамі.

 

Медыя-цэнтр падзелены на тры сектары, адаптаваныя для працы журналістаў друкаваных выданняў, радыё і тэлебачання. У ім змогуць працаваць сотні прадстаўнікоў СМІ, а таксама тэхнічны персанал.

 

Ватыканскі медыя-цэнтр у падобным выглядзе ўпершыню быў створаны з нагоды беатыфікацыі Яна Паўла ІІ у 2011 г. Па гэтым жа прынцыпе ён дзейнічаў і падчас канклаву 2013 г., на якім быў абраны папа Францішак.

 

Да стварэння падобнага медыя-цэнтра журналісты, якія прыбывалі ў Рым для асвятлення ватыканскіх падзей, карысталіся памяшканнямі і неабходным абсталяваннем Ватыканскага радыё.