17 кастрычніка Касцёл адзначае літургічны ўспамін святога Ігнацыя з Антыёхіі, біскупа і мучаніка. У гэты дзень арцыбіскуп Іньяцыё Чэффаліа адзначае свае імяніны. З гэтай нагоды Старшыня Канферэнцыі Каталіцкіх Біскупаў Беларусі арцыбіскуп Юзаф Станеўскі віншуе апостальскага нунцыя з днём яго нябеснага заступніка.
Глыбокапаважаны арцыбіскуп Іньяцыё!
Ад імя Канферэнцыі Каталіцкіх Біскупаў Беларусі і ад сябе асабіста сардэчна віншую Вас з днём Вашага заступніка ― святога Ігнацыя з Антыёхіі.
Ваша імя звязвае Вас з вялікім сведкам ранняга Касцёла, чыё сэрца палымнела ахвярнай любоўю да Хрыста і Яго містычнага Цела.
Сёння, выконваючы важную і адказную місію Апостальскага нунцыя ў Беларусі, Вы даеце нам прыклад дбайнага служэння, умацоўваючы сувязь еднасці паміж Апостальскай Сталіцай і нашым мясцовым Касцёлам.
У гэты святочны дзень жадаю Вам моцнага здароўя і невычэрпнай духоўнай радасці, мудрасці і цярплівасці ў Вашым нялёгкім дыпламатычным і пастырскім служэнні, багатых дароў Духа Святога для далейшага ўмацавання міру і згоды на беларускай зямлі.
Няхай святы Ігнацый з Антыёхіі няспынна заступаецца за Вас перад Панам, а Найсвяцейшая Панна Марыя, Каралева Ружанца святога, ахоўвае і спадарожнічае Вам на ўсіх Вашых шляхах.
З малітвай і братэрскай павагай,
✠ Арцыбіскуп Юзаф Станеўскі
Мітрапаліт Мінска-Магілёўскі
Старшыня Канферэнцыі Каталіцкіх Біскупаў Беларусі
