У чарговым нумары газеты Гродзенскай дыяцэзіі «Слова жыцця» (№ 19 (617) 2023) апавядаецца пра цудадзейны абраз Маці Божай Барунскай, які будзе каранаваны ў наступным годзе, а таксама змешчаны шэраг іншых цікавых матэрыялаў.
Цуды, здзейсненыя ў гушчары. У матэрыяле з такой назвай апавядаецца пра абраз Маці Божай Барунскай, які славіцца цудамі яшчэ з XVII стагоддзя. У наступным годзе цудадзейная ікона будзе каранавана спецыяльнымі каронамі.
Людзі баяцца не чыстца, а непасрэдна самой смерці і невядомага пасля яе. У размове з сястрой законнай ідзе гаворка пра чысцец на зямлі і малітву за памерлых.
Чаму дзецям не трэба забараняць бавіцца? У артыкуле псіхолаг тлумачыць, наколькі для дзіцяці важная гульня і ці можна гуляць у касцёле.
Набыць газету можна пачынаючы з 29 кастрычніка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
