У нядзелю, 26 красавіка, у 40-ю гадавіну са дня аварыі на Чарнобыльскай атамнай электрастанцыі (ЧАЭС) ва ўсіх касцёлах Беларусі будуць прачытаны адмысловыя малітвы.
26 красавіка 1986 года — адна з трагічных дат у гісторыі Беларусі. У гэты дзень, 40 гадоў таму здарылася найбуйнейшая радыяцыйнай катастрофа ў свеце — аварыя на Чарнобыльскай атамнай электрастанцыі, падчас якой адбылося разбурэнне рэактара чацвёртага энергаблока ЧАЭС, размешчанай каля горада Прыпяць (Украіна). Разбурэнне насіла выбухны характар, рэактар быў цалкам разбураны, а ў навакольнае асяроддзе выкінута вялікая колькасць радыёактыўных рэчываў. Аварыя расцэньваецца як найбуйнейшая ў сваім родзе за ўсю гісторыю атамнай энергетыкі. Каля 140 тысяч чалавек былі вымушана пераселены ў іншыя месцы, з абароту выведзена 264 тысяч гектараў сельскагаспадарчых угоддзяў, пацярпела звыш чвэрці ляснога фонду Беларусі.
Але маштабы трагедыі маглі б быць невымерна вялікімі, калі б не адвага і самаахвярнасць, праяўленыя ліквідатарамі ў тыя дні.
У сувязі з 40-й гадавінай Чарнобыльскай катастрофы Мітрапаліт Мінска-Магілёўскі арцыбіскуп Юзаф Станеўскі заахвочвае ўсіх духоўных, кансэкраваных асоб і вернікаў 26 красавіка падчас нядзельнай святой Імшы і індывідуальна памаліцца за ўсіх, хто загінуў і пацярпеў у выніку аварыі на ЧАЭС.
