Сандра з Мінска цікавіцца: «Мяне заўсёды непакоіла пытанне пра Каіна і Абэля: чаму Бог на ахвяру аднаго паглядзеў, а на ахвяру іншага не. Неяк несправядліва атрымліваецца. Вядома, Каін пакрыўдзіўся. Дык няўжо Бог несправядлівы?»
Чытаючы Святое Пісанне, у нас могуць узнікаць пытанні: «як так адбылося?», «што адбывалася пасля?» і г.д. Такія пытанні суправаджалі людзей таксама і ў часы Сярэднявечча.
У Кнізе Быцця (пар. Быц 4, 1-8) не знаходзім падстаў, чаму Богу была б не даспадобы ахвяра Каіна. Канкрэтна тэкст нам пра гэта не кажа. Калі Каін забіў свайго брата Абэля, аўтар Кнігі не напісаў, як гэта адбылося, а толькі пра тое, што забіў яго ў полі.
Рабіны спрабавалі адказаць на гэта, бо першыя людзі — Каін — не меў досведу ў забойствах, бо іх яшчэ не было. Але рабіны пішуць, што Каін шмат разоў біў свайго брата ў розныя часткі цела, бо не ведаў, якія часткі і органы жыццёва важныя.
Пашукаем адказ у Святым Пісанні і вось што знойдзем. Божае слова кажа нам, кім быў Каін насамрэч і чаму Пан Бог не прыняў яго ахвяру:
- «Такая ёсць воля Божая, якую вы чулі ад пачатку, каб мы любілі адзін аднаго. Не так, як Каін, які быў ад злога і забіў свайго брата. А дзеля чаго забіў яго? Бо ўчынкі яго былі дрэнныя, а брата ягонага — справядлівыя» (1 Ян 3, 11-12).
- «Праз веру Абэль прынёс Богу лепшую ахвяру, чым Каін, праз што атрымаў сведчанне, што ён справядлівы. Бо Бог засведчыў пра яго дары, і праз яе нават памерлы гаворыць» (пар. Гбр 11, 4)
- «Ахвяры бязбожнікаў — агідныя, тым больш, што прапаноўваюцца яны са злачынства» (пар. Прып. 21, 27).
fКсёндз Валдзіс Дрыксна, святар Ліепайскай дыяцэзіі (Латвія), дактарант Інстытута Біблейскіх Навук Люблінскага Каталіцкага ўніверсітэта св. Яна Паўла ІІ.
Калі ў вас ёсць пытанні, якія датычаць Святога Пісання, дасылайце іх на адрас director@catholic.by. У тэме ліста пазначце: «Цяжкія старонкі Бібліі».
