Секцыя па перакладзе літургічных тэкстаў і афіцыйных дакументаў Касцёла пры КККБ інфармуе святароў аб зменах у рытуалах некаторых сакрамэнтаў.
Стараннем Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў Беларусі здзейснена другое выданне рытуалаў: «Парадак хросту дзяцей» (Мінск, 2025), «Парадак цэлебрацыі сужэнства» (Мінск, 2025) і «Парадак канфірмацыі» (Мінск, 2025).
Перавыданне «Парадку хросту дзяцей» змяшчае змены ў Абрадзе прыняцця дзяцей, абнародаваныя Кангрэгацыяй Божага Культу і Дысцыпліны Сакрамэнтаў (Prot. N. 44/13/L ад 22.02.2013г.), а менавіта «Касцёл прымае цябе…». Таксама ў дадзеным рытуале прадстаўляецца магчымасць (Prot. N. 431/12/L ад 04.06.2016г.) здзяйсняць або не намашчэнне алеем катэхумэнаў (№ 50, 87). Іншыя рытуалы перавыдадзеныя без зменаў.
Рытуалы можна набыць у выдавецтве «Про Хрысто» або ў хуткім часе ў курыях паасобных дыяцэзій.
