20 сакавіка Мітрапаліт Мінска-Магілёўскі арцыбіскуп Юзаф Станеўскі наведаў Хрысціянскі сацыяльны цэнтр, які дзейнічае ў Мінску пры дабрачыннай Місіі Добрага Самараніна.
Візіт адбыўся ў дзень, калі арцыпастыр адзначаў свае імяніны.
Як паведамялецца на сайце Місіі Samaranin.by, дзеці і супрацоўнікі Хрысціянскага сацыяльнага цэнтра павіншавалі арцыбіскупа Станеўскага з гэтай нагоды. Маленькія выхаванцы падрыхтавалі невялікія падарункі, віншавальныя вершы і спевы.
