13 сакавіка, у 11-ю гадавіну абрання на пасад святога Пятра Папы Францішка, канонікі Мінскага катэдральнага капітула святога Арханёла Міхала і Маці Божай Будслаўскай збяруцца на супольную малітву ў катэдральным касцёле Найсвяцейшага Імя Марыі ў Мінску.
У адпаведнасці са Статутам капітула, канонікі разам моляцца ў вызначаныя дні, сярод якіх гадавіна абрання Папы.
З гэтай нагоды ў мінскай архікатэдры адбудзецца святая Імша з удзелам канонікаў Мінскага катэдральнага капітула, а таксама Апостальскага нунцыя ў Беларусі арцыбіскупа Антэ Ёзіча, прадстаўніка Папы Францішка ў нашай краіне, і Мітрапаліта Мінска-Магілёўскага арцыбіскупа Юзафа Станеўскага.
Пачатак у 12.00.
На партале Catholic.by будзе весціся прамая трансляцыя святой Імшы ў 11-ю гадавіну абрання Папы Францішка.
