Беларусы Варшавы запрашаюць на святую Імшу ў Пальмовую нядзелю

23.03.2021 11:30 Яна Чайко / Catholic.by

Фота Віталія Палінеўскага

28 сакавіка, у Пальмовую нядзелю, у варшаўскай парафіі Святога Аляксандра адбудзецца цэлебрацыя ўрачыстай святой Імшы па-беларуску.

Беларусы Варшавы ўжо на працягу паўгода раз у месяц збіраюцца на супольную Эўхарыстыю, якую цэлебруе беларускі святар Яўген Вінтоў. Вернікі на роднай мове моляцца за Бацькаўшчыну. Акрамя літургіі, для беларусаў у Польшчы кожную суботу ў анлайн-фармаце ладзіцца ружанцовая малітва, а ў часе Вялікага посту — набажэнства Крыжовага шляху.

Святая Імша па-беларуску цэлебруецца ў дольным касцёле парафіі Святога Аляксандра кожную апошнюю нядзелю месяца ў 18.00.

Адрас:
Варшава, пл. Трох Крыжоў.

Абноўлена 23.03.2021 11:33

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.