1 чэрвеня пры парафіі благаслаўлёнай Мар’яны Бярнацкай у Гродне адбудзецца Дзясяты Дыяцэзіяльны дзень дзіцяці, што пройдзе пад дэвізам: «З малітвай праз жыццё».
Як паведаміла Прэс-служба Гродзенскай дыяцэзіі, арганізатары рыхтуюць цікавую насычаную праграму, якая будзе ўключаць забавы, гульні, конкурсы, а галоўнае — малітву і Эўхарыстыю, цэлебрацыю якой узначаліць біскуп.
Да распрацоўкі праграмы могуць далучыцца ўсе ахвотныя.
Да тых, хто хацеў бы прадставіць тэатральную сцэнку, спеў або мае іншыя прапановы, якія маглі б узбагаціць праграму, просьба скантактавацца з арганізатарамі мерапрыемства (зрабіць гэта трэба загадзя). Усім удзельнікам гарантавана харчаванне на працягу дня.
Рэгістрацыя груп і сняданак будуць праходзіць з 9.00. Афіцыйна распачнецца Дзень дзіцяці святой Імшой у 10.30, завершыцца каля 18.00.
Умовы ўдзелу:
- колькасць удзельнікаў не абмежаваная, запрашаюцца дзеці з тэрыторыі Гродзенскай дыяцэзіі і іншых дыяцэзій Касцёла на Беларусі;
- узрост удзельнікаў — да 14 гадоў;
- павінен быць адзін апякун на 10 дзяцей;
- з сабой трэба мець кубак і коўдру або дыванок;
- асабісты ўзнос у памеры 2 руб. (існуе магчымасць вызвалення ад узносу пасля размовы з арганізатарамі);
- аб удзеле трэба паведаміць да 26 мая.
Арганізатар і адказны за мерапрыемства – кс. канонік Юрый Марціновіч:
электронны адрас: sakralna@gmail.com
тэлефон: +375 29 784 05 72
