Італьянскі святар Цыпрыяно дэ Мэо, які нясе служэнне як экзарцыст з 1952 года, распавядае, як адрозніць апантанасць ад псіхічнай хваробы. Паводле яго слоў, апантаны д’яблам чалавек зусім па-іншаму рэагуе на прамоўленыя малітвы, чым чалавек хворы псіхічна.
Часта можа здарыцца так, што нейкая перамена ў псіхічнай хваробе ўспрымаецца акружаючымі як апантанасць. Аднак варта памятаць аб тым, што гэта не тое ж самае. Ёсць істотная розніца ў паводзінах, дзякуючы якой можна адрозніць, патрабуе чалавек дапамогі ўрача ці святара-экзарцыста.
Святар адзначае, што працэдура экзарцызму заўсёды складаецца з падоўжанай малітвы ажно да моманту праяўлення дэмана ў якой-небудзь форме.
«Апантаны чалавек па-рознаму рэагуе на экзарцыста і ўспрымае яго як праціўніка, гатовага да барацьбы, — кажа святар. — На твары апантанага можна пабачыць шмат розных рэакцый, пачуць вербальныя пагрозы і блюзнерствы супраць Бога і Маці Божай».
Святар таксама кажа, што не кожная апантанасць выглядае такім чынам, і менавіта таму важна, каб святары, якія вучацца на экзарцыстаў, прайшлі суровае і дакладнае навучанне, каб умець адрозніваць сапраўдныя выпадкі апантанасці.
Акрамя факту, што апантанасць не з’яўляецца такой частай з’явай, як псіхічныя хваробы, большасць людзей мала ведае пра праявы апантанага чалавека і пра рызыку памылак у яго распазнанні.
У маі 2015 года прайшла канферэнцыя, у якой прымалі ўдзел святары і свецкія асобы, спрабуючы высветліць адрозненні чалавека, апантанага д’яблам, ад псіхічна хворага.
На сустрэчы, на якой прысутнічалі тэолагі, псіхолагі і ўрачы, свае думкі выказвала шмат экспертаў. Хоць людзі часта рэагуюць агрэсіўна, найлепшай абаронай перад д’яблам з’яўляецца звычайная малітва і сакрамэнт.
«Гэта надзвычай істотна, каб пазбыцца граху і жыць з Божай ласкай, — адзначае кс. дэ Мэо. — […] Мы, экзарцысты, не з’яўляемся тымі, хто выганяе д’ябла, які змагаецца з Хрыстом. Нас заклікаюць да барацьбы ў імя Хрыста».
