25 мая Апостальская Нунцыятура ў Кыргызскай Рэспубліцы апублікавала камюніке, у якім было абвешчана, што вялебны айцец Энтані Джэймс Коркаран SJ, Апостальскі адміністратар у Рэспубліцы Кыргызстан, добра знаёмы вернікам Цэнтральнай Азіі як місіянер, атрымаў паўнату біскупскага служэння як пастыр мясцовага Касцёла.
Каталіцкі Касцёл Цэнтральнай Азіі горача вітае прызначэнне айца Энтані Коркарана біскупам. Словы падтрымкі і братэрскага адзінства ў адрас айца Коркарана прагучалі ад усіх каталіцкіх іерархаў Цэнтральнай Азіі. Кардынал Джорджа Марэнга ад імя Канферэнцыі Каталіцкіх Біскупаў Цэнтральнай Азіі (CECAC) выказаў новапрызначанаму біскупу радасць ўсяго Касцёла рэгіёна і малітоўныя пажаданні на пачатку новага служэння.
Для невялікай, але жывой каталіцкай супольнасці краіны гэта падзея стала важным знакам увагі і блізкасці Паўсюднага Касцёла.
Прызначэнне біскупа ўспрымаецца вернікамі рэгіёна не толькі як адміністрацыйнае рашэнне, але перш за ўсё як сведчанне няспыннай прысутнасці і дзеяння Касцёла ў Цэнтральнай Азіі, дзе каталіцкія супольнасці часта жывуць ва ўмовах рассеяння і нешматлікасці, захоўваючы пры гэтым жывую веру і дух місіі.
