14 верасня Святому Айцу Льву XIV спаўняецца 71 год. З гэтай нагоды Старшыня ККББ арцыбіскуп Юзаф Станеўскі, Мітрапаліт Мінска-Магілёўскі, кіруе ў адрас Пантыфіка словы віншаванняў.
Мінск, 14 верасня 2026 г.
Ваша Святасць, Святы Ойча!
З нагоды Вашага дня нараджэння маю гонар звярнуцца да Вас ад імя Канферэнцыі Каталіцкіх Біскупаў Беларусі і ўсёй супольнасці каталіцкіх вернікаў нашай краіны.
Хачу выказаць нашу глыбокую ўдзячнасць Божаму Провіду за Вашае апостальскае служэнне, якое Вы нясеце з такой любоўю і самаадданасцю дзеля дабра паўсюднага Касцёла і ўсяго чалавецтва.
Мы з удзячнасцю захоўваем у памяці тую ўвагу, якую Вы праявілі да нашай зямлі, — пра што сведчаць накіраванне Вамі кардынала Клаўдыё Гуджэроці ў Беларусь у якасці Вашага спецыяльнага пасланніка, а таксама Ваша добразычлівасць падчас нашага нядаўняга візіту, калі мы мелі радасць уручыць Вам абраз Маці Божай Будслаўскай і аднавіць запрашэнне наведаць нашу краіну.
У гэты святочны дзень мы ўзносім нашы малітвы да Пана — міласэрнага Айца, — просячы Яго шчодра благаславіць Вас і Вашае служэнне; мы молімся, каб Ён адарыў Вас здароўем і сіламі, каб Хрыстовы статак пад Вашым кіраўніцтвам мог працягваць свой пілігрымскі шлях надзеі з адноўленай руплівасцю.
✠ Арцыбіскуп Юзаф Станеўскі
Мітрапаліт Мінска-Магілёўскі
Старшыня Канферэнцыі Каталіцкіх Біскупаў Беларусі
