Напярэдадні Дня Незалежнасці Рэспублікі Беларусь, які адзначаецца 3 ліпеня, Святы Айцец Папа Францішак скіраваў віншаванне на імя Аляксандра Лукашэнкі.
Ніжэй падаецца неафіцыйны пераклад віншавальнага паслання Пантыфіка.
Яго Правасхадзіцельству Аляксандру Лукашэнку, Прэзідэнту Рэспублікі Беларусь
З нагоды адзначэння нацыянальнага свята Рэспублікі Беларусь хачу перадаць Вашаму Правасхадзіцельству свае віншаванні і пажаданні дабрабыту і згоды ўсяму народу. Прашу Бога, каб беларусы, кіруючыся каштоўнасцямі Евангелля, былі адчувальнымі да стагнання людзей бедных і ўразлівых, прызнаючы іх братамі. Паколькі сёння мір парушаны, кіраўніцтва Вашай краіны няхай скіруе ўсе свае намаганні на служэнне агульнаму дабру. Заклікаю Божае благаслаўленне на ўсіх жыхароў Беларусі.
Францішак
