Гродзенская дыяцэзія запрашае далучыцца да пілігрымак, якія адбудуцца ў ліпені і жніўні, каб разам аддаць хвалу Богу і ўшанаваць святых і благаслаўлёных, дзейнасць якіх звязана з беларускімі землямі, просячы іх заступніцтва.
У другой палове ліпеня пройдзе пілігрымка да месца смерці благаслаўлёнай Мар’яны Бярнацкай
18 ліпеня адбудзецца пешая пілігрымка Гродна — Адамавічы — форт №2 (Навумавічы) да месца спачыну жыхароў Гродна і Ліпска, у тым ліку благаслаўлёнай Мар’яны Бярнацкай, расстраляных у час Другой сусветнай вайны.
Пілігрымка вырушыць з гродзенскага касцёла Маці Божай Анёльскай у 11.30. У 18.00 на месцы смерці ахвяр вайны адбудзецца Імша ў памяць аб іх.
Да форту №2 можна таксама даехаць на аўтобусе ад прыпынку грамадскага транспарту ля крамы «Баторыя», ад’езд у 17.00.
Вяртанне ў Гродна пасля Імшы, аплата за праезд добраахвотная.
У навагрудскім санктуарыі назарэтанак-мучаніц пройдзе малітоўнае чуванне
31 ліпеня — 1 жніўня ў санктуарыі благаслаўлёных назарэтанак мучаніц у Навагрудку (касцёле Перамянення Пана) пройдзе начное малітоўнае чуванне.
Чуванне праводзіцца ў памяць навагрудскіх сясцёр назарэтанак, якія загінулі ў гады Вялікай Айчыннай вайны.
«Санктуарый запрашае вас раздзяліць гадзіны супольнай малітвы, цішыні і падзякі. 83 гады таму адзінаццаць назарэтанак прынесла найвялікшую ахвяру — сёстры аддалі сваё жыццё дзеля выратавання сем'яў Навагрудка і святара. Мы збярэмся разам, каб прайсці іх апошні зямны шлях: ад месца іх мучаніцтва да святла Імшы на світанні, адкрыць свае сэрцы на заклік Хрыста і памаліцца за нашыя сем'і. Прыйдзіце, каб у цішыні начнога чування знайсці духоўную моц, суцешыць сваю душу і ахінуць малітвай тых, хто найбольш патрэбны Божай міласэрнасці»,
— кажуць арганізатары.
Праграма:
31 ліпеня, пятніца
- 18.00 — святая Імша на месцы расстрэлу сясцёр (у лесе за горадам);
- 21.00 — канферэнцыя «Гатоўнасць сказаць Богу "так" у цяжкія хвіліны» (ксёндз Павел Скуба);
- 22.00 — выстаўленне Найсвяцейшага Сакрамэнту, уступная малітва;
- 23.00 — разважанні пра ахвяру «Няма большай любові за тую, калі хто жыццё сваё аддае за сяброў сваіх», Вяночак у гонар навагрудскіх мучаніц.
1 жніўня, субота
- 0.00 — 15 хвілін глыбокай цішыні, Ружанец за сем'і;
- 1.00 — малітва за святароў і аб новых пакліканнях;
- 2.00 — спевы канонаў;
- 3.00 — малітва праслаўлення, гімн «Te Deum», Літанія праз заступніцтва навагрудскіх мучаніц;
- 4.00 — Ютрань аб мучаніках;
- 4.30 (прыблізны час расстрэлу сясцёр) — святая Імша.
Пілігрымка Гродна-Рось запрашае ўдзельнікаў
1 жніўня адбудзецца ХХIV пешая пілігрымка з Гродна ў дыяцэзіяльны санктуарый Пана Езуса Журботнага ў Росі. Яе сёлетні дэвіз — «Я пасылаю вас» (Ян 20,21).
Маршрут пілігрымкі: Гродна — Вялікія Эйсманты — Рэпля — Рось.
Пілігрымка пачнецца малітвай у касцёле Імя Найсвяцейшай Панны Марыі і святога Яна Непамука ў Вялікіх Эйсмантах.
Да ўдзелу ў пілігрымцы запрашаюцца ўсе ахвотныя.
Запісацца можна да 30 ліпеня ТУТ>>>
Больш падрабязная інфармацыя па тэлефоне:
+ 375 (29) 784 05 72 — ксёндз канонік Юрый Марціновіч, кіраўнік пілігрымкі.
Праграма пілігрымкі:
- 7.00 — ад’езд на аўтобусе з плошчы Савецкай у Гродне (прыпынак крама «Баторыя»);
- 8.00 — ранішнія малітвы ў касцёле ў Вялікіх Эйсмантах (адарацыя Найсвяцейшага Сакрамэнту);
- 8.10 — Вялікія Эйсманты – 09.00 – лес (5 км);
- 9.25 — лес — 09.55 — сад (2 км);
- 10.20 — сад — 11.40 — Рэпля (5 км);
- 11.40 — 12.40 — абед;
- 12.40 — Рэпля – 13.45 — Дулеўцы (5 км);
- 14.10 — Дулеўцы – 15.25 — Роскае лясніцтва (5 км);
- 15.50 — Роскае лясніцтва — 17.15 – Рось (5 км);
- 17.15 — уваход у санктуарый, адкрыццё фігуры Езуса Журботнага;
- 17.50 — падрыхтоўка да святой Імшы;
- 18.00 — святая Імша;
- 20.30 — вяртанне на аўтобусе ў Гродна.
Аўтобус з Гродна ў Вялікія Эйсманты:
Aдправіцца ў 7.00 з плошчы Савецкай (прыпынак крама «Баторыя»). Вялікая просьба не спазняцца!
Аўтобус з Росі ў Гродна:
Aдправіцца ў 20.30 з аўтавакзала ў Росі (знаходзіцца насупраць плябаніі) і давязе да плошчы Савецкай (прыпынак крама «Баторыя»).
Аплата за аўтобус добраахвотная.
Iнфармацыя для вернікаў парафіі бл. Мар’яны Бярнацкай у Гродне.
Аўтобус з Гродна ў Вялікія Эйсманты:
Адправіцца ў 7.00 ад капліцы ў мікрараёне Баранавічы (вул. Ваўжэцкага, 2). Вялікая просьба не спазняцца!
Аўтобус з Росі ў Гродна:
Aдправіцца ў 20.30 з аўтавакзала ў Росі (знаходзіцца насупраць плябаніі) і давязе да капліцы ў мікрараёне Баранавічы (вул. Ваўжэцкага, 2).
