З новага нумара газеты Гродзенскай дыяцэзіі «Слова жыцця» (№8 (629) 2024) чытачы даведаюцца пра тое, хто такі біскуп кааад’ютар, а таксама знойдуць у ім актуальнае інтэрв’ю з доктарам філасофіі і парады псіхолага наконт шопінгавай залежнасці.
Кароткі агляд матэрыялаў нумара, а таксама PDF-версія газеты на беларускай і польскай мовах пададзены на сайце Grodnensis.by.
У Гродзенскай дыяцэзіі прызначаны біскуп каад’ютар. У матэрыяле ідзе гаворка пра тое, хто такі біскуп-каад’ютар і якія ён мае правы і абавязкі.
Еўрапейская культура спажывальніцтва стала сэнсам жыцця і ў нас. У інтэрв’ю з доктарам філасофіі ксяндзом Юрыем Павайбам закранаецца пытанне адносна таго, ці адрозніваецца наша беларуская індыферэнтнасць да рэлігіі ад бязвер’я ў Заходняй Еўропе.
Шопінгаманія: што стаіць за жаданнем купляць? Пра «шапаголікаў» і залежнасць ад спантанных пакупак разважае псіхолаг.
Пра гэта і не толькі можна прачытаць у чарговым нумары газеты Гродзенскай дыяцэзіі «Слова жыцця».
Набыць газету можна пачынаючы з 14 красавіка ў парафіях Гродзенскай дыяцэзіі і ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
