У кастрычніку манахі Ордэна Братоў Меншых Канвентуальных (францішканаў) штодзённа праводзяць анлайн-сустрэчы для супольнай малітвы на ружанцы.
Як паведамляецца ў Instagram-акаўнце minaryty_by, далучыцца да супольнай малітвы праз іх старонку можна на працягу кастрычніка кожны вечар а 9-й гадзіне.
«Прамаўляй адну дзясятку штодзённа, і ўбачыш, што Марыя будзе цябе змяняць, а праз цябе свет.
Але памятай: плёны Ружанца доўга нябачныя, таму ён здаецца нудным. Шатан зробіць усё, каб ты не прамаўляў гэтай малітвы, бо ведае, што яна адкрые тваё сэрца на найвялікшую любоў, якой ёсць Бог, і што праз яе ты будзеш кіраваць светам, просячы для яго ласку міру перад абліччам Бога і Марыі»,
— цытуюць святога Максімільяна Марыя Кольбэ ў сваім акаўнце браты францішкане.
