Падаем кароткі агляд новага нумара (№ 12 (610) 2023) газеты Гродзенскай дыяцэзіі «Слова жыцця», які можна набыць з 4 чэрвеня.
Бацька павінен быць аўтарытэтам. Пра тое, якія сёння чаканні ад мужчыны і што ён можа даць сваім дзецям, ідзе гаворка ў размове з айцом Віталіем Сапегам ОР, членам Экспертнай рады па справах абароны жыцця і сям’і.
Хрыстус у Эўхарыстыі. Матэрыял знаёміць з тым, як развіваўся Эўхарыстычны культ, апавядаючы пра галоўныя падзеі, якія паспрыялі ўстанаўленню ўрачыстасці Божага Цела.
Наколькі важна самапазнанне? У артыкуле псіхолаг разважае пра ілюзію аўтаномнасці і пункт апоры.
Пра гэта і не толькі — у новым нумары газеты «Слова Жыцця», які, пачынаючы з мінулай нядзелі, можна набыць у парафіях Гродзенскай дыяцэзіі, а таксама ў парафіі святога Яна Евангеліста і святога Максімільяна Кольбэ ў Мінску (м-н Кунцаўшчына).
