У нядзелю 18 ліпеня ў парафіяльным касцёле Маці Божай Ружанцовай у вёсцы Гарадзішча (Баранавіцкі дэканат) біскуп Пінскі Антоні Дзям’янка памаліўся за хвяраў Другой сусветнай вайны, якія загінулі ў гэтай ваколіцы.
Як паведамляе сайт Пінскай дыяцэзіі pcd.by, візітацыя пастыра касцёла Пінскай дыяцэзіі ў парафію ў Гарадзішчы была прымеркавана да гадавіны мучаніцкай смерці святароў і шматлікіх вернікаў, закатаваных гітлераўцамі каля гэтай мясцовасці падчас Другой сусветнай вайны.
Разам з парафіянамі і мясцовым пробашчам ксяндзом Янушам Фэштэрам біскуп Пінскі памаліўся за ўсіх палеглых, а таксама прасіў Бога аб шчодрым благаслаўленні для мясцовай супольнасці вернікаў.
