10 чэрвеня ў парафіі святой Тэрэзы Авільскай у Шчучыне адбылася Імша для выпускнікоў.
Як паведамляе партал Grodnensis.by, ужо сталася традыцыяй, што мясцовая моладзь перад выпускным вечарам разам са сваімі бацькамі і настаўнікамі наведвае парафіяльную святыню.
Выпускнікі дзякуюць Богу за час навучання, а таксама просяць Святога Духа аб дапамозе на далейшым шляху.
У гаміліі пробашч парафіі а. Андрэй Агель SchP заахвоціў маладых людзей заўсёды трымацца Бога і з Ім будаваць сваё дарослае жыццё.
