Позняя восень часта прыносіць з сабой не толькі холад, але і жаданне спыніцца. У такія дні важна не заглушыць унутраную размову, а даць ёй месца — каб пачуць, што на самой справе трымае нас у жыцці і куды вядзе наш шлях. У апошні лістападаўскі ўік-энд Рось запрашае мужчын на рэкалекцыі.
З 27 па 29 лістапада ў рэкалекцыйным доме «Голас Айца» ў Росі (Гродзенская дыяцэзія, Ваўкавыскі дэканат) пройдуць рэкалекцыі для мужчын. Правядзе іх духоўны айцец святароў Гродзенскай дыяцэзіі айцец Анджэй Ядкоўскі CSsR. Дэвіз сустрэчы — «Будзь мужчынам!».
Гэта магчымасць засяродзіцца і задумацца над пытаннем, якое вынікае з самой тэмы рэкалекцый: «З чым я стану перад Панам і ці жыву я як мужчына, створаны Богам да шчасця і святасці?» У цішыні, малітве і братэрскай размове ўдзельнікі змогуць паставіць гэтае пытанне ў праўдзе — перад Богам і перад сабой.
Тлумачачы сэнс дэвізу, айцец Анджэй падкрэслівае: «Ты памрэш! З чым станеш перад Панам? Бог цябе вельмі любіць і мае ў табе патрэбу!» Ён дадае, што Бог стварыў чалавека як мужчыну, каб той быў шчаслівым і святым, і таму заклікае быць сапраўдным мужчынам.
Паводле яго слоў, на рэкалекцыях удзельнікі задумаюцца над гэтым пытаннем, стануць у праўдзе перад Панам і сабой, а ў пакоры запросяць Езуса Хрыста на першае месца ў сваім жыцці і даверацца Яму.
Праграма рэкалекцый (магчымыя змены)
27 лістапада, пятніца
- 20.00 — вячэра;
- 21.00 — святая Імша з гаміліяй;
- 22.00 — пытанні, знаёмства, уводзіны.
28 лістапада, субота
- 8.00 — ранішняя малітва, lectio divina;
- 9.00 — снеданне;
- 10.00 — канферэнцыя № 1;
- 11.15 — кава-паўза;
- 12.00 — святая Імша з гаміліяй;
- 13.00 — абед;
- 13.30 — вольны час;
- 15.00 — Вяночак да Божай Міласэрнасці;
- 15.15 — канферэнцыя № 2;
- 16.30 — кава-паўза;
- 17.00 — адарацыя з Ружанцам, магчымасць споведзі;
- 18.30 — вячэра;
- 20.30 — дыскусія па канферэнцыях;
- 22.00 — індывідуальная начная адарацыя (да 8.00).
29 лістапада, нядзеля
- 7.30 — ранішняя малітва, lectio divina;
- 8.00 — святая Імша з гаміліяй;
- 9.00 — снеданне;
- 10.00 — канферэнцыя № 3;
- 11.30 — кава-паўза;
- 12.00 — пытанні, падвядзенне вынікаў;
- 13.00 — абед;
- 13.30 — благаслаўленне, заканчэнне.
Што мець з сабой
- Біблію (Стары і Новы Запаветы),
- малітоўнік,
- сшытак,
- ручку.
Дадатковая інфармацыя па тэлефонах:
+375 29 588 34 56 — Вячаслаў;
+375 29 546 83 19 — Аляксандр;
+375 29 546 83 19 — Viber, Telegram.
Рэкамендаванае ахвяраванне з улікам начлегу і харчавання — 120 руб. + дабравольнае ахвяраванне для рэкалекцыяніста.
