У аўторак 23 красавіка ў Каталіцкім Касцёле адзначаецца ўспамін святога Юрыя, мучаніка, калі свае імяніны адзначае Генеральны вікарый Мінска-Магілёўскай архідыяцэзіі біскуп Юрый Касабуцкі.
Святы Юрый — гэта адзін з найбольш папулярных хрысціянскіх святых, пра што сведчыць вялікая распаўсюджанасць імені Юрый у розных яго формах ва ўсім свеце.
Свае імяніны ў гэты дзень святкуе таксама Папа Францішак, чыё першае хроснае імя Хорхэ з’яўляецца іспанскай формай імені Юрый.
Ва ўспамін святога Юрыя ў мінскім катэдральным касцёле Найсвяцейшага Імя Марыі адбудзецца ўрачыстая святая Імша з удзелам імянінніка: Генеральнага вікарыя Мінска-Магілёўскай архідыяцэзіі біскупа Юрыя Касабуцкага.
- Пачатак святой Імшы ў 15.00.
Біскуп Юрый Касабуцкі шчыра запрашае ўсіх ахвотных, асабліва тых, хто носіць імя Юрый, да супольнай малітвы ў гэты дзень праз заступніцтва святога апекуна.
На партале Catholic.by будзе весціся прамая трансляцыя ўрачыстай святой Імшы з архікатэдральнага касцёла ў Мінску.
