Фота: Grodnensis.by
5 лютага ў Гродне на святкаванне Дня кансэкраванага жыцця запрашаюць манаскіх асобаў, якія служаць на тэрыторыі Гродзенскай дыяцэзіі.
Як нагадвае Прэс-служба Гродзенскай дыяцэзіі, Сусветны дзень кансэкраванага жыцця адзначаецца ў Каталіцкім Касцёле ў свята Ахвяравання Пана. У гэты дзень увага асаблівым чынам звяртаецца на сведкаў прысутнасці Бога ў свеце — манаскіх асобаў.
Дзень кансэкраванага жыцця ў Касцёле адзначаецца з 1997 года. Ён быў устаноўлены святым Янам Паўлам ІІ і прысвечаны малітве за тых, хто аддаў сваё жыццё служэнню Богу і людзям.
Праграма
- 10.00 — духоўная канферэнцыя, адарацыя Найсвяцейшага Сакрамэнту, магчымасць прыступіць да споведзі (рэктаральны касцёл Звеставання Найсвяцейшай Панне Марыі)
- 12.00 — святая Імша з аднаўленнем манаскіх абяцанняў; цэлебрацыю ўзначаліць біскуп Гродзенскі Аляксандр Кашкевіч (катэдральны касцёл святога Францішка Ксавэрыя)
- 13.30 — абед на заканчэнне (будынак біскупскай курыі)
Біскуп Гродзенскі Аляксандр Кашкевіч запрашае ўсіх кансэкраваных асобаў, якія служаць на тэрыторыі Гродзенскай дыяцэзіі, да ўдзелу ў святкаванні.
