1 красавіка, у першую суботу месяца, у Нацыянальным санктуарыі ў Будславе пройдзе чарговая сустрэча ў межах Вялікай навэнны падрыхтоўкі да юбілею каранацыі цудадзейнага абраза.
Красавіцкая малітоўная сустрэча збярэ каля Маці Божай Будслаўскай удзельнікаў руху «Легіён Марыі» з усёй Беларусі. Разам з імі перад каранаваным 25 гадоў таму па распараджэнні святога Яна Паўла ІІ цудадзейным абразом будзе маліцца найстарэйшы беларускі іерарх біскуп Казімір Велікаселец.
Праграма сустрэчы
- 11.00 – прывітанне пілігрымаў
- 11.15 – Ружанец, магчымасць споведзі
- 12.00 – святая Імша
- пасля Імшы – выстаўленне Найсвяцейшага Сакрамэнту, Літанія да Найсвяцейшай Панны Марыі
- 13.30 – кава і пачастунак
- 14.15 – тэматычная канферэнцыя
- 15.00 – Вяночак да Божай Міласэрнасці
- благаслаўленне вады і рэлігійных рэчаў
- пастырскае благаслаўленне на заканчэнне
Адноўлена прамая трансляцыя набажэнстваў з Нацыянальнага санктуарыя ў Будславе. З яе дапамогай можна духоўна далучыцца да ўдзелу ў Вялікай навэнне падрыхтоўкі да 25-годдзя з часу каранацыі абраза Маці Божай Будслаўскай.
