У чацвер 16 чэрвеня, ва ўрачыстасць Найсвяцейшага Цела і Крыві Пана Нашага Езуса Хрыста, Мітрапаліт Мінска-Магілёўскі арцыбіскуп Юзаф Станеўскі наведае парафію Божага Цела ў Нясвіжы.
У адпустовую ўрачыстасць нясвіжскай парафіі, якая з’яўляецца адной з самых старажытных і вядомых з такім тытулам у Беларусі, арцыпастыр узначаліць цэлебрацыю святой Імшы і Эўхарыстычную працэсію да чатырох алтароў па вуліцах горада.
Пачатак святой Імшы — 18.00.
Пробашч парафіі Божага Цела ў Нясіжы ксёндз канонік Пётр Шарко, дэкан Нясвіжскі, ад імя мясцовых вернікаў шчыра запрашае ўсіх ахвотных да ўдзелу ў супольнай малітве з арцыбіскупам Юзафам Станеўскім, які ўпершыню ў якасці Мінска-Магілёўскага Мітрапаліта будзе цэлебраваць святую Імшу ў адным з найбольш вядомых касцёлаў нашай Бацькаўшчыны.
