ПЕРШАЕ ЧЫТАННЕ
Іх імёны жывуць з пакалення ў пакаленне
Чытанне кнігі Мудрасці Сіраха.
Усхвалім слаўных мужоўі айцоў нашага роду.
Мужы міласэрнасці гэта тыя,
чыя справядлівасць не была забыта.
Яна засталася ў іхнім патомстве,
а добрая спадчына — іхнія нашчадкі.
Іхняе патомства трымаецца запавету,
а дзякуючы ім — і іхнія дзеці.
Патомства іх будзе трываць навекі,
а слава іх ніколі не знікне.
Іхнія целы спачываюць у спакоі,
а іх імёны жывуць з пакалення ў пакаленне.
Народы апавядаюць пра іх мудрасць,
а сход абвяшчае хвалу.
Гэта слова Божае.
аРЭСПАНСАРЫЙНЫ ПСАЛЬМРэфрэн: Дасць Яму Пан Бог трон айца Давіда.
11. Прысягаў Пан Давіду ў вернасці, *
і не адступіць ад яе:
Народжанае ад цябе патомства *
пасаджу на троне тваім.
Рэфрэн:
13. Пан выбраў Сіён, *
упадабаў яго сабе як жыллё.
14. Гэта месца Майго адпачынку навекі, *
тут пасялюся, бо ўпадабаў яго.
Рэфрэн:
17. Там вырашчу моц Давіда, *
падрыхтую светач памазанніку Майму.
18. Ворагаў ягоных апрану ў сорам; *
а на ім заззяе дыядэма яго.
Рэфрэн:
а СПЕЎ ПЕРАД ЕВАНГЕЛЛЕМ
і Дух Святы спачываў на іх.
Акламацыя: Аллелюя, аллелюя, аллелюя.
аЕВАНГЕЛЛЕ
Многія прарокі і справядлівыя хацелі ўбачыць тое, што вы бачыце
+ Чытанне cвятога Евангелля паводле Мацвея.
У той час:
Езус сказаў сваім вучням: Шчаслівыя вочы вашыя, таму што бачаць, і вушы вашыя, таму што чуюць. Бо сапраўды кажу вам: Многія прарокі і справядлівыя хацелі ўбачыць тое, што вы бачыце, і не ўбачылі, і пачуць, што вы чуеце, і не пачулі.
Гэта слова Пана.
Пераклад здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ
