У Красным (Маладзечанскі дэканат) і Касцяневічах (Вілейскі дэканат) з удзелам біскупаў Мінска-Магілёўскай архідыяцэзіі ўшануюць памяць ксяндза Пятра Пятрагі, які адышоў у вечнасць 20 кастрычніка мінулага года.
У першую гадавіну смерці святара памятныя абрады адбудуцца ў Красным, дзе пахаваны ксёндз Пётр Пятрага, а таксама ў Касцяневічах, дзе прайшлі апошнія гады яго душпастырскага служэння.
16 кастрычніка, субота — Краснае
- 10.00 — святая Імша і благаслаўленне помніка на магіле. Цэлебрацыю ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі.
20 кастрычніка, серада — Касцяневічы
- 12.00 — святая Імша і адкрыццё памятнай дошкі. Цэлебрацыю ўзначаліць Апостальскі адміністратар sede vacante Мінска-Магілёўскай архідыяцэзіі біскуп Казімір Велікаселец.
На малітву за ксяндза Пятра Пятрагу ў першую гадавіну яго смерці ў Касцяневічы запрашаецца ўсё духавенства Мінска-Магілёўскай архідыяцэзіі.
