Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа Францішак кананізуе Францішку і Жасінту — сведкаў марыйных аб’яўленняў у Фаціме
Святы Айцец
21.04.2017 09:41

Сведкі марыйных аб’яўленняў, благаслаўлёныя Франсішку Марту і Жасінта Марту, будуць кананізаваныя папам Францішкам 13 мая 2017 г. у Фаціме, падчас яго візіту ў сусветнавядомы партугальскі санктуарый да 100-годдзя фацімскіх аб’яўленняў.

Пра гэта Пантыфік абвясціў падчас звычайнай публічнай кансісторыі па кананізацыі благаслаўлёных, які прайшоў ў Ватыкане 20 красавіка.

На ім было вырашана, што 15 кастрычніка будуць кананізаваны і іншыя благаслаўлёныя: кс. Андрэ дэ Совераль, кс. Амброзіа Франсіска Фэра і свецкі вернік Матэа Марэйра і іх 27 паплечнікаў, забітых у 1645 г. у Бразіліі; Крыстабаль, Антоніа і Хуан, падлеткі, забітыя з нянавісці да веры ў 1529 г. у Мексіцы; айцец Фаўстына Мігес Гансалес, іспанскі законнік з Ордэну піяраў, памерлы ў 1925 г.; айцец Анджэла да Акры, італьянскі капуцын, памерлы ў 1739 г.

Раней Папа даручыў Кангрэгацыі па справах Кананізацыі публікацыю дэкрэтаў аб мучаніцтве і сапраўднасці цудаў, здзейсненых праз заступніцтва гэтых благаслаўлёных.

Беларуская рэдакцыя Ватыканскага радыё

 

Пры выкарыстанні матэрыялаў сайта спасылка на Catholic.By абавязкова.