9 лістапада 2005 г. арцыбіскуп Мітрапаліт Мінска-Магілёўскі кардынал Казімір Свёнтэк благаславіў кнігарню «Духоўная кніга», якая ў гэты дзень адчынілася ў г. Мінску па вуліцы Багдановіча, 25. Падчас благаслаўлення іерарх Каталіцкага Касцёла ў Беларусі выказаў радасць з нагоды адкрыцця ў сталіцы нашай краіны кнігарні каталіцкай кнігі, мэта якой — спрыяць распаўсюджванню слова Божага на нашай зямлі.

На паліцах кнігарні «Духоўная кніга» прадстаўлены разнастайныя рэлігійныя выданні на беларускай і рускай мовах. Тут Вы знойдзеце Святое Пісанне, Катэхізіс, малітоўнікі, жыццяпісы святых, творы Слугі Божага Яна Паўла ІІ, Каталіцкую энцыклапедыю, а таксама кнігі, выдадзеныя выдавецтвам «Pro Christo».

У кнігарні можна пазнаёміцца з арыгінальнымі пісаннямі святых, творамі класікаў хрысціянства, такіх, як Тамаш Кемпійскі, а таксама сучасных рэлігійных аўтараў: Аляксандра Меня, Луіджы Джусіані, Анры дэ Любака, Крыстафа Шонборна і іншых.

У наяўнасці — каталіцкая перыёдыка, шырокі выбар рэлігійных календароў і абразкоў.

Такім чынам, калі Вы жадаеце:

• спазнаць падставы хрысціянства,
• больш глыбока разумець праўды веры,
• узрастаць духоўна і інтэлектуальна,

кнігарня «Духоўная кніга» чакае Вас
штодзённа з панядзелка да суботы
з 10-й да 19-й гадзіны без перапынку.

Адрас кнігарні:
     вул. Максіма Багдановіча, 25
     (насупраць прыпынку «Оперны тэатр»).
Тэл:
     (017) 2931753