Фота Аўдыё Відэа  
be  ru  pl  en  de info@catholic.by
Кардынал Ныч заклікае Польшчу прымаць бежанцаў
06.03.2017 17:16

Арцыбіскуп Варшаўскі кардынал Казімеж Ныч выступіў з заклікам да польскай грамадскасці прыняць некалькі соцень сірыйскіх бежанцаў, якім патрэбна тэрміновая медыцынская дапамога.

У пастырскім пасланні на пачатак Вялікага посту кардынал падкрэслівае, як важна для хрысціяніна прымаць бежанцаў. «Ад гэтага залежыць імідж Польшчы і Касцёла ў Польшчы», — канстатуе іерарх, заклікаючы ўлады краіны да большай адкрытасці.

На сёння ў Польшчы ідуць гарачыя дэбаты паміж тымі, хто лічыць, што дапамогу варта накіроўваць выключна ў Сірыю, і тымі, хто выступае за прыняцце бежанцаў у Польшчы.

У першым кірунку ўжо дзейнічае мясцовае аддзяленне дабрачыннага каталіцкага таварыства «Карытас» праз акцыю «Ад сям’і да сям’і». Яна распачалася яшчэ ў кастрычніку мінулага года і заключаецца ў тым, што сем’і, парафіі, супольнасці, біскупы і прадпрыемствы бяруць на сябе поўнае забеспячэнне адной сірыйскай сям’і на працягу паўгода. У дабрачыннай акцыі ўжо бяруць удзел многія біскупы, 400 парафій, каля 40 манаскіх супольнасцяў, звыш 450 святароў і больш за пяць тысяч польскіх сем’яў. На сёння больш за 1700 сірыйскіх сем’яў, у першую чаргу з Алепа і ў лагерах бежанцаў у Ліване, атрымліваюць фінансавую дапамогу ў межах акцыі «Ад сям’і да сям’і».

Кардынал Ныч, як паведамляе Руская рэдакцыя Ватыканскае радыё, выказаў надзею, што акрамя акцыі «Карытас» будуць адчынены таксама дабрачынныя калідоры для прыняцця соцень бежанцаў з Сірыі, якія патрабуюць тэрміновай медыцынскай дапамогі. Кардынал звяртаецца таксама да дзяржаўных установаў.

Міністр сям’і і працы Альжбета Рафальска ў адказ на заклік іерарха заявіла, што з боку ўраду прыём бежанцаў магчымы, «але калі казаць пра канкрэтныя крокі, то трэба ведаць, на каго яны накіраваны і які аб’ём неабходнай дапамогі».

(VGr)

 

Пры выкарыстанні матэрыялаў сайта спасылка на Catholic.By абавязкова.

Замежжа

27.03 08:54Старшыня Еўрапарламента: без каштоўнасцей Еўропы не існуе
24.03 15:15«Спробы ўраду знішчыць хрысціянства толькі ўзмацняюць яго»: гісторыя Ёнмі Парк — бежанкі з Паўночнай Карэі
23.03 09:23Яны праслаўляць Бога ў Афрыцы песняй па-руску (+відэа)
23.03 08:48Хрысціянскі спявак дзякуе Богу за духоўнае аздараўленне пасля сексуальнага гвалту ў дзяцінстве
22.03 08:47У святыні Гробу Пана завершана першая за 200 гадоў рэстаўрацыя Кувукліі
21.03 14:19Біскуп Клеменс Пікель стаў новым старшынёй Канферэнцыі Каталіцкіх Біскупаў у Расіі
17.03 12:17Гэтаму іспанцу ўжо 91 год, але яго праца здзівіць любога
17.03 11:16Кустодыя Святой Зямлі выдзеліла тэрыторыю для моладзевага цэнтра ў Іерыхоне
16.03 16:46Праваслаўная Царква: уключэнне імёнаў заходніх святых у месяцаслоў Маскоўскага патрыярхату нагадае пра часы непадзеленай Царквы
14.03 15:07Пасля навяртання яны спяваюць для Бога: гісторыя рок-гурта «The Sun»