Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Грэчаская мова ўвойдзе ў праграму расійскіх школ
29.11.2016 18:20

Грэчаская мова як другая замежная ўвайшла ў праграму расійскіх школ. Пра гэта паведамляе афіцыйны партал маскоўскага Сраценскага манастыра на аснове падпісанай РФ і Грэцыяй дамовы пра двухбаковае ўзаемадзейнічанне ў адукацыйнай сферы.

Міністр адукацыі і навукі Вольга Васільева і намеснік Міністэрства адукацыі Грэцыі Канстанцінас Фатакіс падпісалі дамову пра двухбаковае ўзаемадзейнічанне ў адукацыйнай сферы на цырымоніі ў Афінах. З дамовы вынікае, што з новага навучальнага года грэчаская мова стане другой замежнай мовай, якую вучні змогуць вывучаць па выбары.

«Мяне радуе цікавасць расіян да вывучэння грэчаскай мовы. У нас адзіны цывілізацыйны код, адзіная рэлігія і агульныя хрысціянскія карані», — сказала на сустрэчы ў Афінах міністр адукацыі Расіі.

Мяркуецца, што выкладанне грэчаскай пачнецца ў Расіі з верасня 2017 года і распаўсюдзіцца ў паўднёвых рэгіёнах краіны, дзе пражывае вялікая колькасць этнічных грэкаў, а таксама ў тых гарадах і абласцях Расіі, дзе ёсць цікавасць да грэчаскай культуры і мовы.

Вольга Васільева адзначыла, што ў Расіі таксама плануецца адкрыццё новых кафедр грэчаскай мовы. На сёння яе вывучаюць у чатырох расійскіх ВНУ.
 
Паводле ria. ru (IL)

 

Пры выкарыстанні матэрыялаў сайта спасылка на Catholic.By абавязкова.