Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Правобразам Люсі з Нарніі была свецкая дамініканка з Італіі (+фота)
28.11.2016 09:41

Прыемная навіна для ўсіх шанавальнікаў творчасці Клайва С. Льюіса: як выявілася, Люцыя з Нарніі сапраўды існавала, да таго ж яна афіцыйна абвешчана благаслаўлёнай Каталіцкага Касцёла.

Кажуць, што аднойчы ў дзяцінстве будучы аўтар «Хронікі Нарніі», гартаючы геаграфічны атлас, натрапіў на італьянскае мястэчка Нарні (Нарнія — лац. версія), назва якога яму вельмі спадабалася.

Некаторыя даследчыкі творчасці Льюіса таксама дапускаюць, што менавіта ў гонар благаслаўлёнай, якая паходзіць з гэтай мясцовасці, пісьменнік назваў адну з галоўных гераінь — Люсі Певенсі (англ. версія імя Люцыя).

Благаслаўлёная Люцыя з Нарні жыла на рубяжы XV-XVI стст. У дзяцінстве ёй аб’явілася Дзева Марыя; пасля смерці бацькі дзяўчыну аддалі замуж; пара склала абяцанне жыць у чысціні. Люцыя насіла стыгматы Хрыста на сваім целе, шмат малілася і клапацілася пра ўбогіх. Благаслаўлёная належала да Трэцяга ордэну св. Дамініка; яе ўспамін прыпадае на 16 лістапада.

Паводле CREDO (IL)

 

Пры выкарыстанні матэрыялаў сайта спасылка на Catholic.By абавязкова.