Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Кароль Марока заклікаў вернікаў розных канфесій аб’яднацца ў барацьбе супраць джыхадзістаў
24.08.2016 15:51

Кароль Марока Мухамед VI выступіў за аб’яднанне веруючых у агульны фронт супраць джыхадзістаў.

«Перад тварам экспансіі і цемрашальства, якое распаўсюджваецца ад імя рэлігіі, усе — мусульмане, хрысціяне, іўдзеі — павінны ствараць агульны фронт для супрацьдзеяння фанатызму, нянавісці і самаізаляцыі ва ўсіх формах», — заявіў Мухамед VI у звароце да нацыі, які прыводзяць еўрапейскія СМІ.

Манарх таксама заклікаў мараканцаў, якія пражываюць за мяжой, «заставацца вернымі каштоўнасцям сваёй рэлігіі і яе векавым традыцыям», назваўшы чужымі ідэі экстрэмістаў.

Мухамед VI заклікаў «узброіцца цярпеннем у сувязі з сучаснай складанай абстаноўкай і заўсёды быць на перадавой лініі абаронцаў міру, згоды і добрасуседства».

«Мы рашуча асуджаем забойствы нявінных людзей», — падкрэсліў кароль, назваўшы нядаўняе забойства святара ў касцёле на поўначы Францыі «непрабачальным вар’яцтвам».

Паводле «Интерфакс»,

(MV)

 

Пры выкарыстанні матэрыялаў сайта спасылка на Catholic.By абавязкова.