Візіт Папы Францішка ў Мексіку, які пачынаецца 12 лютага, выклікаў вялікую цікавасць у прадстаўнікоў СМІ. Галоўны арганізатар візіту біскуп Эўджэніо Ліра праінфармаваў радыё Формула, што шасцідзённы візіт Пантыфіка будуць асвячаць 3500 журналістаў.

Пры гэтым колькасць пішучай братыі магла быць яшчэ большай: адмову ў акрэдытацыі атрымала 1100 чалавек, паколькі арганізатары ўжо не маглі забяспечыць ім месца працы.