Папа Францішак зацвердзіў вынік Сінода Біскупаў Армянскай Каталіцкай Царквы, якія абралі сваім Каталікосам-патрыярхам Рыгора Бедраса XX Габраяна, паведамілі сусветныя СМІ.

Армянская Каталіцкая Царква ўваходзіць у лік Усходніх Каталіцкіх Цэркваў, якія найбольш пакутуюць ад агрэсіі з боку ісламістаў на Блізкім Усходзе.

Афіцыйная інтранізацыя новага Патрыярха адбудзецца 9 жніўня.

Новы Каталікос-патрыярх Рыгор Бедрас ХХ.

Рыгор Габраян нарадзіўся ў 1934 годзе ў Сірыі, стаў святаром у 1959 годзе, біскупам у 1977. Каля 30 гадоў узначальваў супольнасць армяна-католікаў у Францыі, потым жыў у Ліване. Ягоны папярэднік Нерсес Бедрас XIX памёр 25 чэрвеня 2015 года ва ўзросце 75 гадоў.

Аляксандр Гелагаеў