Першы ў Бангладэш каталіцкі ўніверсітэт адкрыўся ў сталіцы краіны — Дака. 9 снежня ў Notre Dame University Bangladesh (NDUB) пачаліся заняткі. Універсітэт, заснаваны Місіянерамі Святога Крыжа, налічвае 283 навучэнцы і 24 выкладчыкі. На дадзены момант у навучальнай установе выкладаецца англійская мова, эканоміка, права, філасофія і менеджмэнт, паведаміла агенцтва AsiaNews.

4 снежня была праведзена цырымонія адкрыцця ўніверсітэта, якую наведала каля 350 чалавек. Ганаровым госцем стаў былы біскуп Дака Паўлінус Коста. Святар Бенджамін Коста, віцэ-канцлер ўніверсітэта, падзякаваў ураду і дабрачынцам, якія паспрыялі адкрыццю NDUB.

Універсітэт Нотр-Дам у Бангладэш атрымаў афіцыйны дазвол на сваю дзейнасць ад урада яшчэ 29 красавіка 2013 года. Універсітэт развіўся з Каледжа Нотр-Дам, які быў заснаваны ў 1949 г. і функцыянаваў на працягу 64 гадоў, з’яўляючыся адным з лепшых у краіне.

Насельніцтва гэтага горада складае каля 7 млн чалавек, сярод якіх 90 % вызнае іслам, 9 % — індуізм, а 1 % — хрысціянства і будызм.