Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Біблію ўпершыню пераклалі на фарсі
14.11.2014 12:32

Упершыню Біблія перакладзеная на фарсі — сучасную персідскую мову, афіцыйную мову Ірана і Афганістана. Пра гэта паведамляе газета Ватыкана «L'Osservatore Romano».

Пераклад, праца над якім заняла 18 гадоў, быў распачаты Elam Ministries — місіянерскай арганізацыяй, якая займаецца распаўсюджваннем хрысціянства ў Іране, і Wycliffe Bible Translators — сусветнай арганізацыяй па перакладзе Бібліі на родныя мовы розных народаў.

Паводле даных ватыканскай газеты, падчас ісламскай рэвалюцыі 1979 г. у Іране было не больш за 500 хрысціян. Аднак іх колькасць за мінулыя 35 гадоў павялічылася прыкладна да 370 тысяч. Большасць з іх — прыхільнікі розных пратэстанцкіх супольнасцяў.

(AYU)
 

Пры выкарыстанні матэрыялаў сайта спасылка на Catholic.By абавязкова.