Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Дырэктара Mozilla прымусілі пакінуць кампанію з-за падтрымкі сямейных каштоўнасцей
04.04.2014 15:00

Выканаўчы дырэктар кампаніі Mozilla Брэндан Айк падаў у адстаўку пасля скандалу ў сувязі з яго непрыманнем аднаполых шлюбаў.

Самым папулярным прадуктам Mozilla Firefox з'яўляецца браўзер, якім карыстаецца амаль паўмільярда людзей ва ўсім свеце.

Айк, які з’яўляецца адным з заснавальнікаў кампаніі і стваральнікам мовы праграмавання JavaScript, быў прызначаны на сваю пасаду ў канцы сакавіка гэтага года — паведамляе руская служба ВВС. Паведамляецца, што яму давялося таксама пакінуць савет дырэктароў Mozilla Foundation — некамерцыйнай арганізацыі, якая валодае Mozilla Corporation.

У 2008 годзе Айк зрабіў ахвяраванне на тысячу даляраў у падтрымку папраўкі ў каліфарнійскае заканадаўства, вядомай як «Прапанова 8». Гэтая папраўка вызначала шлюб як саюз паміж мужчынам і жанчынай і разглядалася ЛГБТ-супольнасцю як перашкода легалізацыі аднаполых шлюбаў. Першапачаткова папраўка была прынятая, аднак у 2013 годзе яна была адменена Вярхоўным судом ЗША.

Даведаўшыся 24 сакавіка аб прызначэнні Айка на пасаду выканаўчага дырэктара Mozilla, гей-актывісты разгарнулі актыўную кампанію пратэсту ў інтэрнэце. У сацыяльных сетках з’явілася мноства гнеўных каментароў, пачаўся збор подпісаў з патрабаваннем адстаўкі Айка.

Адразу пасля прызначэння Айка на кіруючы пост трое членаў савета дырэктароў кампаніі падалі ў адстаўку, аднак прадстаўнікі Mozilla настойвалі, што гэтыя падзеі ніяк не звязаныя паміж сабой. Спачатку кіраўніцтва кампаніі Mozilla абараняла прызначэнне Айка, аднак затым пад ціскам грамадскасці змяніла свой пункт гледжання. У выніку старшыня праўлення Мітчэл Бэйкер была вымушаная скласці прабачэнні ЛГБТ-супольнасці.

Па словах Мітчэл Бэйкер, кіраўніцтва кампаніі ўсё яшчэ абмяркоўвае патэнцыйныя кандыдатуры на замену Брэндана Айка, дадатковая інфармацыя аб гэтым будзе апублікаваная на наступным тыдні.

 

Паводле baznica.info, (AYU)

 

Пры выкарыстанні матэрыялаў сайта спасылка на Catholic.By абавязкова.