Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Помнік Яну Паўлу ІІ адкрыюць у мусульманаў
27.03.2014 11:53

У Сараева, дзе большасць насельніцтва з'яўляецца мусульманамі, у канцы красавіка будзе ўзведзены помнік Папу Яну Паўлу II з нагоды яго кананізацыі, паведамілі прадстаўнікі Каталіцкага Касцёла Босніі і Герцагавіны.

«Мы не можам забываць пра чалавека, які так старанна клапаціўся аб міры ў Босніі і Герцагавіне, аб забеспячэнні роўных правоў усіх людзей і годнасці чалавека», — заявіў арцыбіскуп Врхбосны (Сараева) кардынал Вінко Пуліч.

Ян Павел II шматкроць звяртаўся і маліўся аб супакоі ў Босніі і Герцагавіне, разарванай у 1992-1995 гг. канфліктам паміж мусульманамі, праваслаўнымі сэрбамі і каталіцкімі харватамі. У час вайны там загінулі 100 тыс. чалавек.

Помнік бл. Яну Паўлу II вышынёй амаль у 3 метры будзе ўсталяваны ля сабора Святога Сэрца Езуса ў цэнтры Сараева, дзе Папа Рымскі сустрэўся з жыхарамі сталіцы падчас свайго візіту ў красавіку 1997 года.

Помнік адкрыецца 30 красавіка, праз тры дні пасля кананізацыі Яна Паўла II у Ватыкане.

Паводле wiara.pl, (AYU)
 

Пры выкарыстанні матэрыялаў сайта спасылка на Catholic.By абавязкова.