Папа Францішак памаліўся аб міры з нагоды чарговай гадавіны заканчэння Другой сусветнай вайны. Звяртаючыся да вернікаў падчас агульнай аўдыенцыі ў Ватыкане 2 верасня, Пантыфік заклікаў у сваёй гарачай малітве, каб «праз заступніцтва Панны Марыі сучасны свет ніколі больш не перажыў жахаў і страшэнных пакутаў падобных трагедый».

«Гэта таксама вечнае жаданне народаў, асабліва тых, якія з’яўляюцца ахвярамі розных трываючых крывавых канфліктаў. Няхай ніколі больш не будзе вайны! Гэта сумны вокліч, які з нашых сэрцаў і сэрцаў усіх людзей добрай волі ўзносіцца да Валадара супакою», – сказаў Святы Айцец.

Паводле беларускай рэдакцыі Ватыканскага радыё

(AG)