Пантыфік заклікаў пакласці канец насіллю на Блізкім Усходзе |
Святы Айцец |
30.08.2015 23:45 |
Папа Францішак нагадаў аб важнасці свабоды веравызання і спынення насілля на Блізкім Усходзе. Пасля нядзельнай малітвы «Анёл Панскі» ў Ватыкане Пантыфік распавёў вернікам, што 29 жніўня ў Харысе (Ліван) прайшла беатыфікацыя сіра-каталіцкага епіскапа Флавіена Мішэля Мелкі – ахвяры пераследу рэлігійных і этнічных меншасцяў у Асманскай імперыі ў 1915 г. «У кантэксце жудаснага пераследу хрысціян ён быў нястомным абаронцам правоў свайго народа, заклікаючы ўсіх заставацца моцнымі ў веры. Таксама і сёння на Блізкім Усходзе і ў іншых частках свету хрысціяне падвяргаюцца пераследу», – заўважыў Папа. (AG) |