Планшэт Папы будзе прададзены на аўкцыёне |
Святы Айцец
|
26.03.2015 15:05 |
Электронны планшэт, які належаў Папу Францішку, будзе прададзены на аўкцыёне ва Уругваі. Сродкі будуць накіраваны на адукацыйныя мэты.
Адзін з уругвайскіх аўкцыённых дамоў, які адказвае за продаж “iPad”, абвясціў таргі на 14 красавіка. Ужо атрымана некалькі званкоў ад зацікаўленых асобаў.
Планшэт трапіў у краіну праз уругвайскага святара, які атрымаў яго ў дар ад Пантыфіка. Ён, у сваю чаргу, ахвяраваў гаджэт мясцоваму педагагічнаму інстытуту. Гэтая ўстанова вырашыла выставіць планшэт на аўкцыён, каб падтрымаць адзін са сваіх адукацыйных праектаў.
Першапачатковы кошт белага “iPad” з надпісам “Яго Святасць Францішак” - 40 тыс. долараў ЗША. Да яго прыкладзены сертыфікат, які пацвярджае “ватыканскае” паходжанне гаджэта і факт яго даравання з боку Папы.
Паводле беларускай рэдакцыі Ватыканскага радыё (AG)
|