Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
У Ватыкане прайшла апошняя агульная аўдыенцыя Пантыфіка ў 2014 годзе
Святы Айцец
18.12.2014 14:21

Агульная аўдыенцыя 17 снежня стала 43-й і апошняй для Папы Францішка ў 2014 годзе. Прэфектура Папскага Дому распаўсюдзіла сёлета каля 1,2 тыс. уваходных квіткоў для ўдзелу ў серадовых сустрэчах з Пантыфікам.

Да гэтай лічбы трэба дадаць вернікаў, якія прымалі ўдзел у гэтых аўдыенцыях спантанна, знаходзячыся на плошчы св. Пятра і за яе межамі. Самым шматлікім у 2014 годзе стаў красавік, які сабраў на агульных аўдыенцыях 205 тыс. вернікаў. Жнівеньскія сустрэчы сталі самымі малаколькаснымі, на іх прыйшло 25 тыс. чалавек. У сярэднім на сустрэчу са Святым Айцом кожную сераду збіралася каля 30 тыс. чалавек. Трэба адзначыць, што аўдыенцыі з удзелам Папы Францішка за няпоўны 2013 г. (першая аўдыенцыя пасля абрання Пантыфіка прайшла 27 сакавіка) сабралі больш за 1,5 млн. вернікаў. Для параўнання, серадовыя сустрэчы з удзелам Бэнэдыкта XVI у 2012 г. наведала каля 500 тыс. чалавек.

Папа Францішак правёў падчас свайго Пантыфікату ўжо 73 агульныя аўдыенцыі.

Апошняя серадовая аўдыенцыя ў 2014 годзе была прысвечана тэме сям’і. Падчас яе Святы Айцец заклікаў кожную хрысціянскую сям’ю, па прыкладзе Марыі і Юзафа, прыняць Езуса.


 

Пры выкарыстанні матэрыялаў сайта спасылка на Catholic.By абавязкова.